Monterroso prepara un homenaxe a Virgilio Rodríguez Hortas, así falaban as páxinas dos xornáis de principios do 84; 24 anos despois Monterroso vólvelle rendir homenaxe, ésta vez, non pola súa traxectoria como mestre da escola monterrosina, senon como artista.
O sábado, 3 de xaneiro, ás 8 da tarde, ábrense as portas da Sala de Exposicións do Concello de Monterroso con motivo da exposición Virgilio: o mestre pintor, comisariada pola súa neta, Tatiana Rodríguez de Azevedo, exposición que permanecerá ata o mércores 14 do mesmo mes. Ésta é a primeira vez que a obra de Virgilio se expón no seu pobo de adopción, ao que él lle tiña tanto agarimo, e no que se recorda a Virgilio con especial admiración. Unha exposición que seguramente él mesmo desexaría realizar, compartir a súa obra cos seus amigos e veciños, pero hoxe, 17 anos despois da súa morte, Virgilio estará presente na súa primeira exposición na vila de Monterroso.
Virgilio, pintor, pero antes mestre, mestre por riba de todo, defíniase a sí mesmo como autodidacta e desexaba, segundo afirmou en diversas ocasións, “ser un pintor realista si bien estoy iniciando siempre nuevas técnicas. Y es que para mí, esto de la pintura, es una obsesión últimamente, especialmente encaminada a enseñar a los demás”.
Monterrosino de adopción e, por suposto, de corazón, onde traballou moitos anos da súa vida adicándose en corpo e alma ao Colexio da nosa vila, onde conserva grandes amizades e onde se instalou a súa familia. A historia de Monterroso pincelada a pincelada nos lenzos de Virgilio, o mestre pintor.
CLAUSURADO O PRIMEIRO CURSO DE INFORMÁTICA PARA NENOS QUE SE IMPARTIU ESTA TEMPORADA 2008/2009 NA AULA MULTIMEDIA DO CONCELLO DE MONTERROSO.
los Reises Magos de Oriente pasaron por Monterroso deixando ledicia e ilusión no nenos da vila.
