Xeograficamente Monterroso limita cos seguintes concellos:

Norte: Guntín e Palas de Rei
Oeste: Palas de Rei e Antas de Ulla.
Este: Portomarín, Taboada e Guntín.
Sur: Taboada e Antas de Ulla.

En canto aos aspectos físicos, cabe dicir que Monterroso é pouco accidentado, relativamente aplanado; aínda que nos límites co Norte e co Oeste aparecen algunhas elevacións; e tamén no Este, onde se atopa o monte Castelo de Vilameñe, con 800 metros de altitude. As principias elevacións de Monterroso son os Montes de Vacaloura, San Cristovo, Castelo de Ambarrías, Pedralba, San Simón ou Marzán, Orgoso, Cumbraos e Vilanova; sen que ningún supere os 800 metros de altitude.
Entre as características hidrográficas do Concello de Monterroso, cabe destacar fundamentalmente o Río Ulla, que nace na parroquia de Olveda ( Antas de Ulla ), e cruza o Concello de sureste a noroeste, formando unha fronteira natural entre os concellos de Monterroso e de Antas de Ulla. De aí que o conxunto dos tres concellos reciba o nome de Comarca da Ulloa.
Os afluentes principias do Río Ulla que pasan por Monterroso son: Parteme e o Lavandelo, completando a súa rede fluvial os ríos Sucastro, Sirgal, Lourentín, As Pozas, Salgueiral e Rial.

Monterroso conta cunha boa comunicación na rede de estradas:
Estrada N-640 (Vegadeo-Pontevedra-Porto de Vilagarcía).
Comarcal de Palas e Taboada.
Estradas locais que anoan coa de Santiago e a de Ourense.
Rede doutras estradas que comunican a todas as parroquias do municipio.

Ademais conta tamén con varias liñas de autobuses que viaxan a Bilbao, Vigo, A Coruña, Ourense e Santiago de Compostela.