|
luns, 28 decembro 2009 |
5.- Adxudicación provisonal da xestión do servizo público municipal de abastecemento de auga potable e rede de sumidoiros, baixo a modalidade de concesión.
Visto que mediante acordo de Xunta de Goberno Local de data 20 de outubro aprobouse o expediente e o Prego de Cláusulas Administrativas Particulares para a adxudicación da xestión do servizo público municipal de abastecemento de auga potable e rede de sumidoiros ao municipio mediante xestión indirecta e en réxime de concesión, por procedemento aberto, oferta economicamente máis vantaxosa, varios criterios de adxudicación
Visto que con data 6 de novembro publicouse anuncio de licitación polo prazo de quince no Boletín Oficial da Provincia de Lugo e no Perfil de contratante do órgano de contratación, a fin de que os interesados presentaran as súas proposicións.
Visto que durante a licitación tan só se presentou unha proposición tal e como consta no expediente de contratación.
Visto que con data 27 de novembro constituiuse a Mesa de contratación, e ésta, tras a recepción do informe de valoración técnica, en xuntanza celebrada o 1 de decembro realizou proposta de adxudicación a favor de AQUALIA GESTIÓN INTEGRAL DEL AGUA, S.A., examinada a documentación que xunta e de acordo coa mesma e de conformidade co establecido no artigo 135.3 e a Disposición Adicional Segunda da Lei 30/2007, de 30 de outubro, de Contratos do Sector Público
A Xunta de Goberno Local, no exercicio das competencias delegadas polo Pleno o 4 de xullo de 2007 (BOP de Lugo de 21 de xullo de 2007), por unanimidade e en votación ordinaria, acorda:
Primeiro.- Declarar válida a licitación e adxudicar provisionalmente o contrato de xestión do servizo público municipal de abastecemento de auga potable e rede de sumidoiros mediante xestión indirecta e en réxime de concesión mediante a modalidade de concesión á empresa AQUALIA GESTIÓN INTEGRAL DEL AGUA, S.A. única proposición presentada na licitación e admisible de acordo cos criterios que figuran nos pregos e en consecuencia a que obtivo a puntuación máis alta, polo canon de 600.000,00 euros a ingresar no Concello no momento da sinatura do contrato, por prazo de vinte e cinco anos, e coas tarifas vixentes que figuran como anexo III do prego de cláusulas administrativas particulares que rexen a concesión.
Segundo.- Notificar a adxudicación provisional a todos licitadores.
Terceiro.- Notificar e requirir a AQUALIA GESTIÓN INTEGRAL DEL AGUA, S.A., adxudicatario provisional do contrato, para que presente, dentro dos quince días hábiles seguintes ó da data de publicación da adxudicación provisional no Boletín Oficial da Provincia de Lugo e no Perfil de contratante, a documentación xustificativa de acharse ó corrente no cumprimento das súas obrigas tributarias e coa Seguridade Social e calesquera outros documentos acreditativos da súa aptitude para contratar, así como constituír a garantía definitiva.
Cuarto.- Publicar a adxudicación provisional do contrato mediante anuncio no Boletín Oficial da Provincia de Lugo e no Perfil de contratante .
Quinto.- Realizados os trámites anteriores, que por Secretaría se emita Informe-Proposta e se dea conta a esta Xunta de Goberno Local para resolver ó respecto.
|
