A evolución demográfica do concello resúmese basicamente en tres fases ben diferenzadas:

1. Crecemento próspero: o período 1900-1940, foi dinámico e a poboación foi aumentando ata acadar a cota máis alta de habitantes, cun valor de 6.444 persoas.

2. Descenso poboacional: no período 1940-2001, o descenso poboacional foi constante, ata chegar á actualidade. Esta perda poboacional é debido sobre todo á forte emigración sufrida a partir de 1940, aínda que tamén contribuíu, o crecemento vexetativo negativo.

3. Estabilidade: en termos xerais, Monterroso pasou dos 5.524 habitanes no ano1900, ós 4.229 no ano 2003, perdendo 1.295 habitantes, o que supón a perda do 23,44 % da poboación de principios de século. Non obstante, cómpre destacar que se está a presentar unha terceira fase de estabilidade poboacional, na que o número de habitantes do concello se mantén por riba das 4.000 persoas.

Actualmente conta cun censo de 4.050 persoas das cales 2.033 son homes e 2.017 son mulleres.