Decreto.- Monterroso, 5 de agosto de 2010.

No uso das atribucións que me confire o artigo 21 da Lei 7/1985, reguladora das bases de réxime local, e 61 da Lei 5/1997, do 22 de xullo, de administración local de Galicia, e tendo en conta o previsto no artigo 14 da Lei 30/1992, do 26 de novembro, de Réxime Xurídico das Administracións Públicas e Procedemento Administrativo Común, estando actualmente delegada na Xunta de Goberno Local a contratación de obras e servizos de competencia desta alcaldía, teño a ben avocar para este caso concreto a adxudicación das mesmas, dada a dificultade de reunir ós membros da Xunta de Goberno Local e axilizar o procedemento do que trata o presente expediente. Sirva esta motivación como notificación previa ó interesado antes de pasar a resolver sobre ao acordo que se pretende, sen prexuízo de que esta avocación poida ser impugnada ca resolución que poña fin a este procedemento
Visto o acordo desta Xunta de Goberno Local de data 15 de xuño de 2010 polo que se prestou aprobación ao expediente e aos pregos de Cláusulas Administrativas para a adxudicación do contrato de subministración de Pala Retroexcavadora Mixta de Obra 4x4 adscrita ó servizo de obras do Concello de Monterroso” polo procedemento negociado sen publicidade. No mesmo acordo autorizouse o gasto que supón a adxudicación do mesmo
No dito acordo acordouse Solicitar ofertas ás seguintes empresas: AUTOMOCIÓN LA JUNQUERA LUGO, SL; MOTIVO JBC GALICIA, SA; TRANSCALOPA, SL; TALLERES CARAIMA; e COVELUMA, SL
Transcorrido o prazo concedido para presentar ofertas, ningunha das empresas invitadas acepta participar na licitación convocada
Visto o acordo da Xunta de Goberno Local de 13 de xullo que na súa parte dispositiva terceira di “Terceiro.- Abrir un novo prazo de solicitude de ofertas a empresas capacitadas para a realización do obxecto do contrato, que serán: GESTRUCK, SL; ZENTROMACHINE, SA; e HIDRAMOTOR”
Visto que con data 23 de xullo de 2010, presentouse unha oferta pola mercantil Hidramotor e examinada a oferta presentada en canto a valoración dos aspectos obxecto de negociación en orde á determinación da oferta economicamente máis vantaxosa, deu o seguinte resultado por ser a única presentada:
- Hidramotor: Subministración de Pala Retroexcavadora Mixta de Obra 4x4, marca Case, modelo 580 Super LE, cun prezo valor estimado 25.399 euros e 4.571,82 euros en concepto de IVE, coas seguintes melloras :
- Garantía adicional de 1 mes
- Balancín extenxible
- Instalación auxiliar de doble efecto
- Enganche rápido
- Cortacorrentes
- Asento de luxo con suspensión, cinturón e apoiabrazos
De conformidade co establecido no artigo 135.5 e a Disposición Adicional Segunda da Lei 30/2007, de 30 de outubro, de Contratos do Sector Público,
A Xunta de Goberno Local, no exercicio das competencias delegadas polo señor Alcalde-presidente con 27 de xuño de 2007 (BOP 21/07/07), por unanimidade e en votación ordinaria, acorda:
Primeiro.- Adxudicar provisionalmente o contrato de subministración de “Pala Retroexcavadora mixta de obra 4x4” adscrito ó servizo de obras do Concello de Monterroso á entidade “HIBRA MOTOR, S.A.L” por ser a oferta economicamente máis vantaxosa, polo prezo dun valor estimado 25.399 euros  e 4.571,82  euros en concepto de IVE, coas seguintes melloras:
- Garantía adicional de 1 mes
- Balancín extenxible
- Instalación auxiliar de doble efecto
- Enganche rápido
- Cortacorrentes
- Asento de luxo con suspensión, cinturón e apoiabrazos
Segundo.- Notificar a adxudicación provisional a todos os candidatos que non resultaran adxudicatarios.
Terceiro.- Notificar e requirir a D. José Manuel Iglesias Pazos e D. José Luis Selas Couto no nome e representación da Entidade HIDRA MOTOR, S.A.L, adxudicatario provisional do contrato, para que presente, dentro dos quince días hábiles seguintes ó da recepción da presente notificación, a documentación xustificativa de acharse ó corrente no cumprimento das súas obrigas tributarias e coa Seguridade Social e calesquera outros documentos acreditativos da súa aptitude para contratar, así como constituír a garantía definitiva.
Cuarto.- Publicar a adxudicación provisional do contrato mediante anuncio no perfil do contratante.
Quinto.- Realizados os trámites anteriores, que por Secretaría se emita Informe-proposta para resolver ó respecto.

Mándao e asínao o señor alcalde do que eu, secretaria, dou fe.
O 1º Tte alcalde por delegación     A secretaria Acctal
(Decreto 15/07/10)

Asdo. Darío Rodríguez Vázquez   Asdo. Blanca Vázquez Enríquez