DECRETO.- Monterroso, 7 de novembro de 2011

Por acordo de Xunta de Goberno Local en sesión realizada o día 8 de febreiro de 2011 prestouse aprobación á constitución da Mesa Local de Comercio de Monterroso logo do requirimento feito pola Consellería de Economía e Industria.

En dito acordo estableceuse que a composición da Mesa Local de Comercio deste municipio fose:

Presidente: alcalde do Concello ou persoa en quen delegue

Secretario: unha persoa designada pola alcaldía que actuará con voz pero sen voto.

Vogais:

- O/a presidente/a da Asociación de Comerciantes e Industriais de Monterroso

- A/o presidenta/e da Asociación de Consumidores e Usuarios

- O/a primeiro/a e segundo/a tenentes de alcalde

- Un representante designado pola Comunidade Autónoma

O decreto 183/2011, de 15 de setembro, polo que se regulan as mesas locais de comercio (DOG de 30 de setembro) establece na DT única que os Concellos disporán dun prazo de dous meses a partir da entrada en vigor deste decreto para a constitución e adecuación, se é o caso, das mesas locais de comercio ao disposto nel. Ditos órganos configúranse como lugar de encontro, un foro de debate e participación onde terán voz e voto o comercio de proximidade, os consumidores e o propio concello.

En cumprimento deste mandato resolvo:

Primeiro.- Convocar a Mesa Local de Comercio de Monterroso para o vindeiro día 11 de novembro de 2011 coa seguinte orde do día:

1º) Constitución da Mesa Local de Comercio de Monterroso.

2º) Fixación da data na que debe celebrar sesión ordinaria anual.

3º) Rolda aberta de intervencións

Segundo.- Que se cite para o día 11 de novembro de 2011, ás 11:00 horas ás seguintes persoas:

Secretaria da Mesa: Mª del Pilar Silva del Río, técnico local de emprego.

Vogais:

-          Álvaro Coego González, presidente da ACIM

-          Victoria Pardo Télez, presidenta da Asociación de Consumidores e Usuarios.

-          José Antonio Rodríguez Guerra, 1º tenente de alcalde

-          Ana de Azevedo Novo, 2º tenente de alcalde

-          José Manuel Vázquez Leirado, xefe territorial da Consellería de Economía e Industria.

Mándao e asínao o señor alcalde do que eu, secretaria dou fe.

O alcalde                                                                             A secretaria

Antonio Edelmiro Gato Soengas                        Mónica Vázquez Fandiño

En el día de hoy se convoca también al representante de + Noite, que falta en el decreto